Əsas menu

Cümə, Noyabr 9th, 2018

 

Böyük Britaniyanın nəqliyyat naziri “Brexit”ə görə istefa verdi

Böyük Britaniyanın sabiq xarici işlər naziri Boris Consonun qardaşı Co Conson Krallığın nəqliyyat naziri vəzifəsindən istefa verib. “Report” xəbər verir ki, o, Britaniyanın Avropa İttifaqından (Aİ) çıxmasına dair sövdələşməni (“Brexit”) “dəhşətli səhv” adlandırıb və məhz bu səbəbdən müvafiq addımı atdığını bildirib. Co Conson həmçinin “Brexit”lə bağlı ikinci referendumun keçirilməsini təklif edib. Bundan əvvəl Tereza Meyin Aİ-nin “Brexit”lə bağlı güzəşt etməsinə nail olduğu xəbər verilib.


Rusiya ilə Avstriya arasında cəsus qalmaqalı böyüyür

Rusiya Xarici İşlər Nazirliyi Avstriya hakimiyyətinin sabiq avstriyalı zabitin Moskvanın xeyrinə cəsusluq etməsinə dair iddialarına etiraz edib. Oxu.Az xəbər verir ki, rəsmi Moskva Vyananın bu cür bəyanatlarının iki ölkə arasındakı münasibətlərin pisləşməsinə gətirib çıxaracağını bəyan edib.  Məsələ ilə əlaqədar Avstriyanın Moskvadakı səfiri Yohannes Ayqner Rusiya Xarici İşlər Nazirliyinə çağırılıb. Qeyd edək ki, bu gün Avstriyada Rusiyanın xeyrinə kəşfiyyat xarakterli materialların toplanmasında şübhəli bilinən sabiq polkovnik saxlanılıb. İddialara görə, həmin şəxs 20 il ərzində Rusiyanın xeyrinə cəsusluqla məşğul olub və bunun müqabilində 300 min avro alıb.


Mədət Quliyev veloyürüşdə (FOTOLAR)

9 noyabr – Dövlət Bayrağı Günü münasibətilə Azərbaycan Velosiped İdmanı Federasiyası və Dövlət Təhlükəsizliyi Xidməti Velosiped İdman Klubunun təşkilatçılığı, Respublika Olimpiya Velosiped Məktəbi, “Gənc Velosipedçilər” İctimai Birliyi və “Azərbaycan Əlil Velosipedçilər Klubu”nun dəstəyi ilə “Bayrağımız qürur mənbəyimizdir” devizi altında veloyürüş keçirilib. Azərbaycan Velosiped İdmanı Federasiyasından “Bizimxeber”ə verilən məlumata görə, tədbirdə DTX rəisi, general-polkovnik Mədət Quliyev, DTX Velosiped İdman Klubunun üzvləri, peşəkar və həvəskar velosipedçilər, o cümlədən ilk dəfə olaraq “Azərbaycan Əlil Velosipedçilər Klubu”nun nümayəndələri də iştirak edib. 100-dən artıq velosipedçi “Azneft” dairəsindən start götürməklə Neftçilər prospekti ilə hərəkət ediblər və Heydər Əliyev MərkəzininƏtraflı oxu


Deputat parlamentdə qızının ölüm xəbərini eşitdi(FOTO)

Meksikalı xanım deputat, 55 yaşlı Karmen Medel Palma parlamentin iclasında qızının ölüm xəbərini eşidib. Deputata qızının idman zalında qətlə yetirilməsi barədə məlumat verilib. Bunu eşidən parlamentari göz yaşlarına hakim ola bilməyib. Deputat həmkarları ona təsəlli verməyə çalışıblar. Məlumata görə, tələbə olan Kruz cinayətkar qruplaşma tərəfindən səhvən öldürülüb. Onun başqa bir şəxsə bənəzədiyinə görə qətlə yetirildiyi məlum olub.


Hərbi hissələrdə andiçmə oldu 

Müdafiə Nazirliyinin tabeliyində olan hərbi hissə və birləşmələrdə gənc əsgərlərin andiçmə mərasimi keçirilib. Müdafiə Nazirliyindən “Bizimxeber”ə verilən məlumata görə, Əlahiddə Ümumqoşun Ordusu, hərbi birliklər, Hərbi Hava Qüvvələri, Hərbi Dəniz Qüvvələri, Raket və Artilleriya Qoşunları, eləcə də digər təminat hərbi hissələrində təşkil edilmiş mərasimlərdə rituala uyğun olaraq döyüş bayrağı sıra meydanına gətirilərək Dövlət himni ifa edilib və tədbir açıq elan olunub. Sonra gənc əsgərlər təntənəli surətdə hərbi andı qəbul ediblər. Andiçmə mərasimlərində hərbi hissələrin komandanlığı, şəhid ailələrinin üzvləri, yerli icra orqanları və ictimaiyyət nümayəndələri, veteranlar, əsgər valideynləri iştirak ediblər.


Prezident körpü tikintisinə 4 milyon manat ayırdı

Prezident İlham Əliyev Bərdə şəhərində Tərtər çayı üzərində körpünün tikintisi ilə bağlı əlavə tədbirlər haqqında sərəncam imzalayıb. “Bizimxeber” xəbər verir ki, dövlət başçısı qəzalı vəziyyətə düşmüş körpünün tikintisinin başa çatdırılması məqsədilə “Azərbaycan Respublikasının 2018-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölüşdürülməmiş hissəsinin obyektlər və istiqamətlər üzrə bölgüsü”nün 21-ci bəndində göstərilmiş məbləğin 4 milyon manatını Azərbaycan Avtomobil Yolları Dövlət Agentliyinə ayırıb.


Sabiq “first lady” barədə həbs qərarı

Filippinin sabiq “first lady”si İmelda Markos həbs edilib. “Bizimxeber” xəbər verir ki, sabiq prezident Ferdinand Markosun həyat yoldaşı olan İmelda rüşvətxorluqda ittiham edilir. O, Manila valisi olduğu dövrdə İsveçrə banklarına 7 dəfə milyonlarla dollar pul köçürüb. Hər transfer üçün ona 6 ildən 11 ilə qədər həbs verilib. 89 yaşlı sabiq “first lady”nin apelyasiya şikayəti vermək hüququ olduğu üçün onun məhkumluq dövrü hələ başlamayıb. Qeyd edək ki, Ferdinand Markos 1986-cı ildə hərbi çevrilişlə hakimiyyətdən uzaqlaşdırılıb və 1989-cu ildə sürgündə ölüb. O, hakimiyyəti illərində dövlətdən 10 milyard dollar pul oğurlayıb.


Britaniyadan Kremlə qarşı addım: QRU liderləri…

Böyük Britaniya Avropa İttifaqından Rusiya Baş Kəşfiyyat İdarəsi nümayəndələrinin adlarının növbəti sanksiya siyahısına salınmasını istəyib. “Bizimxeber” xəbər verir ki, bu barədə “Tayms” nəşri yazıb. Məlumata görə, Böyük Britaniya bu məsələdə Fransa və Almaniyanın dəstəyinə ümid edir və digər ölkələrin xarici siyasət orqanlarına təzyiq göstərir.


Nardaranda əməliyyat: silah-sursat və narkotik aşkarlandı

Polis əməkdaşlarının keçirdikləri əməliyyat tədbirləri nəticəsində qanunsuz saxlanılan silah-sursat aşkar edilərək götürülüb. DİN mətbuat xidmətindən “Bizimxeber”ə verilən məlumata görə, Baş Mütəşəkkil Cinayətkarlıqla Mübarizə İdarəsi və Sabunçu RPİ 42-ci Polis Bölməsi əməkdaşlarının əldə edilmiş məlumat əsasında Nardaran qəsəbəsi ərazisində keçirdikləri əməliyyat tədbiri nəticəsində qəsəbə sakini Əli Əhmədov saxlanılıb. Şəxsi axtarış zamanı ondan narkotik vasitə olan heroin aşkar edilib. Davam etdirilən əməliyyat-axtarış tədbirləri ilə onun yaşadığı evdən “Makarov” markalı tapança, 2 ədəd patron darağı və 14 ədəd patron da aşkar edilərək götürülüb. Faktla bağlı cinayət işi başlanılıb. İstintaq-əməliyyat tədbirləri davam etdirilir.


Mövlud Çavuşoğlu: “Xəzərin dibi ilə Bakıya neft kəməri çəkilə bilər”

“Tarixi İpək yolunun canlandırılması istiqamətində Türkiyə, Azərbaycan və Türkmənistanın üzərinə böyük məsuliyyət düşür və bu nəqliyyatda ən önəmli 3 ölkə biz oluruq”. Qaynarinfo xəbər verir ki, bu sözləri Aşqabadda Türkmənistanın XİN rəhbəri Rəşid Mərədovla görüşdən sonra baş tutan mətbuat konfransında Türkiyənin xarici işlər naziri Mövlud Çavuşoğlu deyib. O, Xəzərin altı ilə Türkmənistandan Azərbaycana neft kəmərləri çəkilməsi məsələlərini də müzakirə etdiklərini bildirib: “İpək Yolunun canlandırılması üçün bir tərəfdən dəmir yollarının çəkilməsi, digər tərəfdən quru nəqliyyatı və enerji təhlükəsizliyi baxımından xüsusilə Türkmənistanın istehsal etdiyi qazın Avropa bazarlarına çıxarılması üçün TANAP-la əlaqələndirmə və Xəzər dənizinin altından neft kəmərlərininƏtraflı oxu


Bu tələbələr təhsil haqqından azad oluna bilər(VİDEO)

Əlilliyi olan tələbələr təhsil haqqından azad edilməlidir. Bu təkliflə millət vəkili Qənirə Paşayeva parlamentdə büdcə müzakirələri zamanı çıxış edib. Onun sözlərinə görə, təhsil haqqını ödəyə bilmədiyinə görə, hazırda 1 əlil gənc universiteti buraxmaq məcburiyyətində qalıb”. ARB TV-nin “Günə doğru” proqramı mövzu ilə bağlı maraqlı süjet hazırlayıb. Taleh Kərimov – Görmə əngəlli: Bakı Slavyan universitetinin rus dili müəllimliyi fakültəsini qurtarmışam. Məndə ödənişli idi. 1200 manat pul ödəyirdim. Bu da çətin idi. Güzəşt olsa yaxşı olar. Bizdən sonrakılar var, hansı ki, ödəyə bilmirlər”. Qənirə Paşayeva – Millət vəkili: “Bizim ali məktəblərdə nəƏtraflı oxu


Polşalı şagirdlər Azərbaycan nağıllarına illüsturasiyalar çəkdilər (FOTO)

Jurnalist Ekspert Mərkəzinin (JEM) dəstəyi ilə Polşa Respublikasının paytaxtı Varşava şəhərində Azərbaycan nağıllarına həsr olunan tədbir keçirilib. 169 nömrəli tam orta məktəbin kitabxanasında Maria Grykayanın rəhbərliyi ilə gerçəkləşən Beynəlxalq Nağıl Gününə həsr olunan tədbir çərçivəsində şagirdlərə Azərbaycan nağılları təqdim olunub. Uşaq mahnılarının bəstəkarı və uşaq yazarı, pianoçu Katarzyna Kulikowska, rəssam-müəllim Gilan Əzizxanlı “Kəpənəyin nağılı”, “Tülkü və Hacıleylək” nağıllarını polyak və Azərbaycan dillərində səsləndiriblər. Təəssüratları əsasında nağıllara illüsturasiyalar çəkən polşalı şagirdlərə JEM-in diplomları verilib. “Tülkü və Hacıleylək” nağılını Azərbaycan Dillər Universiteti və Bakı Slavyan Universtetinin baş müəllimi Samirə Abdullayeva, “Kəpənəyin nağılı”nı Slavyan unversitetinin məzunu Səbinə Yunisova polyak dilinəƏtraflı oxu


Amaliya Pənahova ilə vida mərasimi keçirilir – FOTO + YENİLƏNİB

Xəbər verdiyimiz kimi, Xalq artisti Amaliya Pənahova ilə vida mərasimi keçirilir. Mərasimdə sənətkarın oğlu Eldar Muxtarov çıxış edərək, tədbirə qatılanlara təşəkkür edib. Oxu.Az xəbər verir ki, o, anasının ölümünü ağır itki adlandırıb: “Çox sağ olun ki, gəlmisiniz. Ailəmiz üçün ağır itkidir. Əminəm ki, Bələdiyyə Teatrı gələcəkdə də öz tamaşaları ilə bizi sevindirəcək, anamın adını layiqincə daşıyacaq”. Qeyd edək ki, Amaliya Pənahova vəsiyyətinə əsasən, həyat yoldaşının yanında dəfn ediləcək. 12:25 Amaliyanı cavanlıqdan tanıyırdım. Onun “Nargilə” obrazı bütün sevənləri sarsıtmışdı. Onu rejissor Tofiq Kazımov kəşf etmişdi. Biz onunla tez-tez zəngləşir, danışırdıq. Ona deyirdim  ki,Ətraflı oxu


İlhamə Quliyevanın oğlunun məhkəməsi başladı

Mərhum Xalq artisti İlhamə Quliyevanın oğlu Orxan Nadirov və onun dostu Kamran İsayevin cinayət işi üzrə məhkəmə başlayıb. Oxu.Az-ın verdiyi xəbərə görə, Binəqədi Rayon Məhkəməsində hakim Mirheydər Zeynalovun sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib. Məhkəmə baxışı noyabrın 29-na təyin edilib.


Türkiyədə 103 hərbçi ilə bağlı mühüm qərar – Artıq 74-ü saxlanıldı

İstanbul Cümhuriyyət Baş Prokurorluğunun Terror və Mütəşəkkil Cinayətkarlığa qarşı Mübarizə İdarəsinin FETÖ-nün Türkiyə Silahlı Qüvvələrində xidmət edən hərbçilərlə əlaqəsi istiqamətində aparılan araşdırmalar davam etdirilir. “Qafqazinfo” “Hurriyet”ə istinadən xəbər verir ki, əməliyyat çərçivəsində təşkilatla əlaqədə şübhəli bilinən 2 polkovnik, 2 podpolkovnik, 6 mayor, 14 kapitan, 21 baş leytenant, 7 leytenant, 47 starşina və 4 serjant olmaqla ümumilikdə 103 hərbçi barədə saxlanılmaq qərarı verilib. 32 vilayətdə aparılan əməliyyat zamanı indiyə qədər artıq 74 şübhəli saxlanılıb.


Stiven Hokinqin 22 əşyası auksionda satıldı(FOTOLAR)

Mart ayında vəfat edən ingilis fizik Stiven Hokinqin 22 şəxsi əşyası auksionda satılıb. Qaynarinfo xəbər verir ki, satılan əşyaların dəyəri ümumilikdə 1 milyon 824 min 375 funt-sterlinq edib. Hokinqin imzaladığı doktorantura dissertasiyası 584 min 750 funta, “Zamanın qısa tarixi” kitabı 150 minə, “Simpsonlar” cizgi filminin Hokinqdən bəhs edən seriyasının ssenarisi 6250, fizikin 1980-1990-cı illərdə istifadə etdiyi kreslo 296 min 750 funta satılıb. Əldə edilən məbləğ Stiven Hokinq Fondu və Motor Neyron Xəstəliyi Birliyinə veriləcək.


Azərbaycan nefti bir az da ucuzlaşdı

Azərbaycanın dünya bazarına çıxardığı “Azeri LT CIF” markalı xam neftin 1 barelinin qiyməti 0,40 dollar və yaxud 0,55% azalıb. “Bizimxeber” xəbər verir ki, “Azeri Light” markalı neftin bir barelinin qiyməti 72,43 dollar təşkil edib.


Dünyanın ən sürətli qapıçısı Bakıya gəlir

“Robokiper”ə qol vura bilənləri Azercell-dən hədiyyə gözləyir Sevindirici haldır ki, Azərbaycan dünyanın ən son texnoloji yeniliklərinin nümayiş olunduğu məkana çevrilib. Məşhur “Robot Sofiya”dan sonra Nəqliyyat, Rabitə və Yüksək Texnologiyalar Nazirliyinin dəstəyilə dünyanın ən sürətli qapıçısı “Robokiper” ölkəmizə gətiriləcək. “Robokiper” cari ilin dekabr ayının 4-7-də “Azercell Telekom MMC”-nin baş sponsorluğu ilə baş tutacaq “Bakutel-2018” 24-cü Azərbaycan Beynəlxalq Telekommunikasiya, İnnovasiya və Yüksək Texnologiyalar sərgi və konfransında təqdim olunacaq. “Robokiper” dünyanın ən bacarıqlı və sürətli qapıçısı hesab edilir. Alman alimlərinin bu ixtirası ultra-modern və unikal texnologiyaya əsaslanır. Buna görə də “Robokiper”ə qol vurmaqƏtraflı oxu


FED-in qərarı ABŞ-ın dövlət istiqrazlarını ucuzlaşdırıb

ABŞ-ın Federal Ehtiyat Sisteminin (FED) ötən gün başa çatmış növbəti iclasında uçot dərəcəsini 2-2,25% səviyyəsində saxlaması bu ölkənin dövlət istirazlarının illik gəlirliliyinin cüzi artması, başqa sözlə sözügedən qiymətli kağızların ucuzlaşması ilə nəticələnib. Bu barədə “Report” Rusiya mətbuatına istinadən xəbər verir. Məlumata görə, FED-in qərarı açıqlanana qədər ABŞ-ın 10 illik dövlət istiqrazları üzrə illik faiz dərəcəsi 3,226% olubsa, qərardan sonra bu göstərici 3,236%-ə yüksəlib. ABŞ-ın 30 illik dövlət istiqrazlarının gəlirliliyi isə 3,429%-dən 3,43%-ə çatıb.


Xalq artisti Amalya Pənahova ilə vida mərasimi keçirilir

Azərbaycan Dövlət Akademik Milli Dram Teatrının binasınd müasir Azərbaycan teatrı və kino sənətinin tanınmış nümayəndəsi, xalq artisti Amalya Pənahova ilə vida mərasimi başlayıb. “Bizimxeber” “Report”a istinadən xəbər verir ki, vida mərasimində mərhumun ailə üzvləri ilə yanaşı, tanınmış mədəniyyət və incəsənət nümayəndələri, rəsmi şəxslər iştirak edirlər. Məlumat üçün bildirək ki, A.Pənahova vəsiyyətinə əsasən həyat yoldaşı, xalq artisti Yusif Muxtarovun yanında, “Qurd qapısı” qəbiristanlığında dəfn ediləcək. Xatırladaq ki, xalq artisti ötən gün xərçəng xəstəliyindən 73 yaşında vəfat edib. Qeyd edək ki, Amalya Pənahova 1945-ci il iyunun 15-də Gəncə şəhərində anadan olub. Orta məktəbi bitirdikdən sonra o, 1962–1966-cıƏtraflı oxu