Əsas menu

General oğlu məhkəmədən vaxt istədi 

Bu gün Binəqədi rayon Məhkəməsində xuliqanlıqda təqsirləndirilən Rüstəm Orucovun və hadisə zamanı onun yanında olan Kənan Vəliyevlə Pərviz Abbasovun cinayət işi üzrə məhkəmə prosesi keçirilib. 

Bizimxeber.az qafqazinfo-ya istinadən xəbər verir ki, hakim Rəşad Əliyevin icraatında olan prosesdə R. Orucov və digər təqsirləndirilən şəxslərə çıxış üçün söz verilib. Lakin onlar son sözlərini deməyə hazır olmadıqlarını bildiriblər və hazırlaşmağa görə məhkəmədən vaxt istəyiblər.

Proses dekabrın 15-də davam etdiriləcək.

Qeyd edək ki, prokuror çıxışında Rüstəm Orucovun 6 il, digər təqsirləndirilən şəxslərin isə 3 il 6 ay azadlıqdan məhrum edilməsini tələb edib. Ötən iclasda dövlət ittihamçısı çıxış edərək R.Orucovun 6 il, K.Vəliyevlə P.Abbasova isə 3 il 6 ay müddətinə cəza verilməsi istəyib.

Xatırladaq ki, R.Orucovun atası general-mayor Novruzəli Orucov Səfərbərlik və Hərbi Xidmətə Çağırış üzrə Dövlət Xidməti rəisinin həqiqi hərbi xidmətə çağırış üzrə müavini olub, bu hadisədən sonra prezident İlham Əliyevin sərəncamı ilə vəzifədən azad edilib.

Bizimxeber.Az





Cavab ver

Your email address will not be published. Required fields are marked as *

*